AQShning NASA agentligi yangi sinf astronavtlariga aylanadigan 12 kishi ro‘yxatini e’lon qildi, deb yozadi “Naukatv.ru”.
Ular ushbu lavozimga da’vogarlik qilgan 18 300 nafar nomzod orasidan tanlab olindi. Endi ular bo‘lg‘usi sayyoralararo parvozlarga tayyorlanadi.
Astronavtlar jamoasi 28 dan 42 yoshgacha bo‘lgan besh ayol va yetti erkakdan iborat. Ular orasida Curiosity marsoxodi bilan shug‘ullanuvchi olim, SpaceX kompaniyasi mutaxassisi, Massachusets texnologiya instituti professori va tibbiy xodimlar guruhi bor. Koinotga jo‘nashdan avval jamoa ikki yil davomida o‘qishi kerak.
NASA Oyga va Marsga sayohat qilish uchun katta yuk ko‘tara oladigan raketa va “Orion” kapsulasini ishlab chiqmoqda. Agentlik, shuningdek, bir guruh odamlarni tezkorlik bilan Xalqaro kosmik stansiyaga yetkazadigan va yana qaytarib olib keladigan tijorat uchar qurilmalarini ishga tushirishni rejalashtirmoqda. Bunday parvozlar uchun yangi avloddagi yuqori malakali mutaxassislar talab etiladi.
Izoh (0)