Prezident tashrifidan so‘ng Uchtepadagi 78-umumta’lim maktabni ta’mirlash ishlari boshlandi

Toshkent shahrining Uchtepa tumanida joylashgan 78-umumta’lim maktabida Prezident tashrifidan so‘ng ta’mirlash ishlari boshlandi. Bu haqda O‘zA xabar berdi.

Prezident Shavkat Mirziyoyev joylarda amalga oshirilayotgan bunyodkorlik va obodonlashtirish ishlari, ijtimoiy-iqtisodiy islohotlarning borishi bilan yaqindan tanishish, xalq bilan muloqot qilish maqsadida joriy yilning 16-iyunida Toshkent shahrining Uchtepa tumaniga tashrif buyurgan edi.

Shavkat Mirziyoyev tashrif chog‘ida tumanda joylashgan 78-umumiy o‘rta ta’lim maktabida bo‘lib, maktabni kapital ta’mirlash lozimligini aytgan edi. Hozirgi kunda maktabni ta’mirlash ishlari boshlangan.

Tashrif davomida Prezident ushbu maktabda tajriba sifatida 11 yillik ta’limni qayta tiklash, uning qoshida o‘quv-kasb kursi tashkil etish borasida ko‘rsatma bergan edi.