Qozog‘istonning Aqto‘be viloyatida sodir bo‘lgan avtohalokatda halok bo‘lganlarning jasadini O‘zbekistonga olib kelish uchun maxsus reys Qozog‘istonning Aqto‘be shahriga uchib ketdi. Bu haqda “Daryo”ning ishonchli manbasi xabar berdi.
Manbaning ma’lum qilishicha, jasadlar bugunning o‘zidayoq O‘zbekistonga olib kelinishi kutilmoqda.
Oldinroq FVV Qozog‘istondagi avtohalokat qurbonlari jasadlarini O‘zbekistonga olib kelish choralarini ko‘rayotgani xabar qilingandi.
Favqulodda vaziyatlar vazirligi Qozog‘iston hududida yuz bergan hodisa oqibatida jabrlanganlar ahvoli yuzasidan axborot olish uchun maxsus telefon raqamlari (371-234-87-20, 371-234-15-26)ni ham tashkil etgan.
Eslatib o‘tamiz, 22-iyun kuni Qozog‘istonning Aqto‘be viloyatida, “Samara—Chimkent” yo‘lining 946-kilometrida ikki qavatli Mercedes avtobusining ag‘darilib ketishi oqibatida 52 kishi, xususan, 50 nafar O‘zbekiston fuqarosi jabrlangan.
Mavzuga doir: TIV Qozog‘istondagi avariyada halok bo‘lgan to‘qqiz o‘zbekistonlikning ismlarini e’lon qildi
Avtobus nima sababdan ag‘darilib ketgani haqida hozircha aniq ma’lumotlar yo‘q. O‘zbekiston Tashqi ishlar vazirligidan ma’lum qilishlaricha, avtohalokat jabrlanuvchilari haqidagi axborot ularning qarindoshlariga yetkaziladi.
Izoh (0)