Тошкент шаҳрининг Учтепа туманида жойлашган 78-умумтаълим мактабида Президент ташрифидан сўнг таъмирлаш ишлари бошланди. Бу ҳақда ЎзА хабар берди.
Президент Шавкат Мирзиёев жойларда амалга оширилаётган бунёдкорлик ва ободонлаштириш ишлари, ижтимоий-иқтисодий ислоҳотларнинг бориши билан яқиндан танишиш, халқ билан мулоқот қилиш мақсадида жорий йилнинг 16 июнида Тошкент шаҳрининг Учтепа туманига ташриф буюрган эди.
Шавкат Мирзиёев ташриф чоғида туманда жойлашган 78-умумий ўрта таълим мактабида бўлиб, мактабни капитал таъмирлаш лозимлигини айтган эди. Ҳозирги кунда мактабни таъмирлаш ишлари бошланган.
Ташриф давомида Президент ушбу мактабда тажриба сифатида 11 йиллик таълимни қайта тиклаш, унинг қошида ўқув-касб курси ташкил этиш борасида кўрсатма берган эди.
Изоҳ (0)