Amerikaliklarning mamlakat prezidenti Donald Trampdan noroziligi rekord ko‘rsatkichga yetdi. CBS telekanali tomonidan o‘tkazilgan so‘rov natijalari shundan dalolat bermoqda, deya xabar beradi “TASS”.
So‘rov natijalariga ko‘ra, Rossiya tomonidan prezidentlik sayloviga aralashganlik bo‘yicha tekshiruv davomida AQSh prezidentining o‘zini tutishidan amerikaliklarning 63 foizi norozi. Trampning iqtisodiy siyosatini respondentlarning 51 foizi yoqlamaydi. So‘ralganlarning teng yarmi davlat rahbarining terrorchilikka qarshi kurashdagi harakatlarini salbiy baholadi.
Donald Trampdan umumiy norozilik reytingi 57 foizni tashkil etmoqda. Bu u prezidentlik lavozimini egallaganidan beri eng past ko‘rsatkich.
Trampning o‘tmishdoshlari Barak Obama va Bill Klintonning ko‘rsatkichlari hech qachon tegishli ravishda 38 va 37 foizdan pastga tushmagandi.
Izoh (0)