Rossiya fuqarosi deb taxmin etilayotgan 30 yoshli Anastasiya Shakurova va uning yaqin o‘rtog‘i, 31 yoshli neapollik Byajo Junior Buonomo 18-iyun, yakshanba kuni Italiya shimolidagi Kirinyago shaharchasida o‘ldirib ketildi, deb yozadi “RIA Novosti” mahalliy OAVlarga tayanib. Rossiyaning Milandagi bosh konsulxonasi ayolning haqiqatan ham Rossiya fuqarosi bo‘lganini tekshirmoqda.
Qo‘sh qotillik 50 yoshli professor Stefano Peralening uyida sodir etilgan, u Shakurova bilan tanish bo‘lgan va ilgari u bilan yaqin aloqada bo‘lgan. 18-iyunga o‘tar kechasi kuchli asabiylashish holatida bo‘lgan Peralening o‘zi politsiyaga qo‘ng‘iroq qilib, ikki kishini o‘ldirganini ma’lum qilgan. Jinoyat joyiga yetib kelgan politsiya xodimlari Shakurova va Buonomoning jasadlarini aniqlagan.
Perali rashk sababli qotillikka qo‘l urganini darhol tan olgan. O‘zining so‘zlariga ko‘ra, u Shakurova va uning do‘stini uyiga mehmonga chaqirgan, ularning ichimliklariga narkotik modda qo‘shib bergan, so‘ng ayolni yotoqxonada bo‘g‘ib o‘ldirgan. Shundan keyin Buonomoni tayoq bilan savalay boshlagan, u qochib ketishga uringan, ammo qo‘lidan kelmagan va u ham o‘ldirilgan.
Italiya politsiyasi xodimlari tezkorlik bilan Rossiyaning Milandagi bosh konsulxonasiga voqea haqida xabar bergan. Ammo ayni paytda Shakurovaning Rossiya fuqarosi ekanligi haqida aniq ma’lumot yo‘q.
Izoh (0)