Saudiya Arabistoni qiroli Salmon valiahd shahzodani o‘zgartirdi: Muhamamad bin Naif o‘rnini monarxning 31 yoshli o‘g‘li Muhammad bin Salmon egalladi, deb yozadi “RIA Novosti”.
Yangi merosxo‘r shahzodani tasdiqlash uchun hukumat alohida ovoz berish jarayonini o‘tkazdi. Muhammad bin Salmon nomzodi uchun qasamyod kengashining 43 a’zosidan 31 nafari o‘z ovozini berdi.
Shu bilan birga, u mudofaa vazirligini boshqarishda davom etadi va bosh vazir o‘rinbosari lavozimini egallaydi.
Bundan tashqari, Muhammad bin Naif ichki ishlar vaziri lavozimidan ajraldi. Bu lavozimga qirol shahzoda Abdulaziz bin Saud bin Naifni tayinladi.
Muhammad bin Naif 2015-yil bahorida — Salmon Saudiya taxtiga o‘tirgan vaqtda valiahd shahzodaga aylangan edi. O‘shanda qirolning boshqa o‘g‘li, mudofaa vaziri Muhammad bin Salmon merosxo‘r shahzodaning o‘rinbosari nomiga sazovor bo‘lgan edi.
Izoh (0)