KXDR tomonidan ozod etilgan amerikalik talaba Otto Uormbir vafot etdi, deb yozadi “RIA Novosti” uning oilasi tarqatgan bayonotga tayanib.
“Afsuski, bizning o‘g‘limizga shimoliy koreyaliklar tomonidan berilgan qiynoqlar holat boshqacha yakun topishiga yo‘l qo‘ymadi”, — deyiladi bayonotda.
Unda ta’kidlanishicha, Otto Sinsinattiga qaytib kelganida, gapira olmagan, ko‘ra olmagan, og‘zaki buyruqlarga reaksiya ko‘rsatmagan.
BMT ma’lumotlariga ko‘ra, Otto Uormbir o‘tgan yilning martidan buyon koma holatida bo‘lgan. U qamoqxonada berilgan uyqu doridan so‘ng komaga tushib qolgan. Amerikalik shifokorlar tibbiy ko‘riklardan so‘ng ma’lum qilishicha, yigit og‘ir bosh suyak-miya shikastlanishini boshidan o‘tkazgan.
Amerikalik talaba KXDRga qarshi qo‘poruvchilik faoliyatida ayblanib, ozodlikdan mahrum etilgan edi.
Izoh (0)