“Sevgan qizim O‘zbekistondan emas va shou-biznesga aloqasi yo‘q”. Yigitali Mamajonov — unashtirilgan qizi haqida

Aktyor Yigitali Mamajonov “Daryo” internet-nashri uchun eksklyuziv intervyu berdi. Intervyuni jurnalist Feruz Muhammad uyushtirdi.

Suhbat davomida aktyor ko‘nglidagi qizni topgani, uning shou-biznesga umuman aloqasi yo‘qligi, yaqin vaqt ichida u bilan turmush qurish niyatida ekanligini ma’lum qildi.

Menimcha, erkak kishi uylanmasdan yursa bo‘lmaydi. Menga yoqadigan, har tomonlama to‘g‘ri keladigan, ko‘nglimdagi qizni topdim.

Xudoyim bizni uchratdi — hozir birgamiz. Xudo xohlasa, to‘yimiz ham yaqin vaqt ichida bo‘lib o‘tadi.

Sevgan qizimning shou-biznesga umuman aloqasi yo‘q. Uni qayerda istiqomat qilishini ayta olmayman, ammo — O‘zbekistondan emas.

Yigitali Mamajonov, aktyor

Qadrdonlar bilan oilaviy o‘tirgan vaqtimiz ular ham oilaviy hordiq chiqarishayotgan ekan. Ikkita oila bir-biri bilan yaqin bo‘lib, tanishib qolib, ko‘nglimga o‘tirganligi uchun, mening prinsiplarim, xohishlarim u insonda namoyon bo‘lganligi uchun ham aynan uni tanladim. Talablarimga to‘g‘ri keladigan va talablarimni ro‘yobga chiqaradigan inson aynan u bo‘lib chiqdi.

Yigitali Mamajonov, aktyor

Aktyor suhbat davomida bolaligi, oilasi, oilasiga bo‘lgan tanqidlarga munosabati, ajrashganidan so‘ng nima sababdan Rossiyaga ketib qolgani, Chimkentda ochgan gul do‘koni, kino va kliplardagi faoliyati haqida ham to‘xtalib o‘tgan.