Amerikalik xonanda Ariana Grande Buyuk Britaniyaning Manchester shahri faxriy fuqarosiga aylanadi. Bu haqda “Gazeta.ru” xabar bermoqda.
Mahalliy shahar kengashi Manchester hayoti va muvaffaqiyatiga hissa qo‘shganlarni rag‘batlantirishning yangi tizimini taklif qilmoqda va Grande bu sharafga loyiq ko‘rilgan birinchi shaxs bo‘lishi mumkin.
Kengash a’zolari xonanda Manchesterdagi birinchi konsertidan so‘ng yuz bergan teraktdan ikki hafta o‘tib, One Love Manchester xayriya dasturini tashkil etganini yuqori baholadi.
Xayriya shousi qariyb 3 million funt sterling to‘plashga imkon berdi. Shuningdek, u Britaniya televideniyesi orqali 2017-yilda namoyish etilgan eng ommabop dastur bo‘ldi.
Yangi tashabbusga ko‘ra, Katta Manchesterda istiqomat qilmaydigan shaxslar ham shaharning faxriy fuqarosi deb e’lon qilinishi mumkin.
Shahar kengashi taklifni 12-iyul kuni ko‘rib chiqadi.
Izoh (0)