O‘zbekiston adliya vazirining o‘rinbosari IIV boshqarma boshlig‘i etib tayinlandi

Hamdam Qarshiyev O‘zbekiston Icki ishlar vazirligi Transportda jamoat xavfsizligini ta’minlash boshqarmasi boshlig‘i lavozimiga tayinlandi. Bu haqda UzNews xabar bermoqda.

U bunga qadar Adliya vaziri o‘rinbosari — Sud qarorlarini ijro etish, sudlar faoliyatini moddiy-texnika jihatdan va moliyaviy ta’minlash departamenti rahbari lavozimida faoliyat yuritib kelayotgan edi.

Hamdam Qarshiyev 1997-yilda Toshkent davlat yuridik institutini tamomlagan.

2009-yilda Toshkent shahar Yakkasaroy tumani IIB rahbari o‘rinbosari, 2013—2016-yillarda Qashqadaryo viloyati IIB rahbari o‘rinbosari — Tergov boshqarmasi boshlig‘i lavozimlarida ishlagan.

U “O‘zbekistonda xizmat ko‘rsatgan yurist” faxriy unvoni bilan taqdirlangan.