2016-yil yanvar oyida Sergeli tumanida qurilishi boshlangan yer usti metrosida jarayon faol davom etmoqda. “Daryo” muxbiri ushbu hududdan maxsus fotolavhalar tayyorladi.
Bugungi kunda barcha estakadalar (ko‘priklar) va 26 metrni tashkil etuvchi balkalarning ustunlari o‘rnatilgan bo‘lib, qazish va mahkamlash ishlari olib borilmoqda.
Avval xabar qilinganidek metro yo‘nalishi Sergeli tumanidagi Choshtepa, Mirzo Tursunzoda, Qipchoq ko‘chalaridan “Yo‘ldosh” dahasidagi Mardlik ko‘chasigacha bo‘lgan hududdan o‘tib, jami olti bekatdan iborat bo‘lishi loyihalashtirilgan.
Bekatlar Sergelining Sputnik dahasidan “Olmazor” metro bekatigacha bo‘lgan oraliqda joylashadi. Jami uzunlik 8 kilometrdan ortiqroq masofadan iborat. Loyihaning umumiy qiymati jami 170,1 million dollarni tashkil qilib, qurilish ishlari 2017—2020-yillarga mo‘ljallangan.
Izoh (0)