Xitoydagi bolalar bog‘chasi oldida portlash yuz berdi. Qurbonlar bor

Xitoy sharqidagi Szyansu viloyatida bolalar bog‘chasi oldida portlash yuz berdi, deya xabar bermoqda “TASS”.

#BREAKING: #Explosion rocks kindergarten in East China's Jiangsu Province, casualty yet unknown pic.twitter.com/KBlXBDujDq

— People's Daily, China (@PDChina) June 15, 2017

“Sinxua” axborotiga ko‘ra, hodisa oqibatida to‘qqiz kishi halok bo‘lgan, 66 kishi turli darajada tan jarohati olgan.

Portlash yuz bergan vaqtda bolalar bog‘chani tark etayotgan, ota-onalar ularni kutib olayotgan bo‘lgan.

Mahalliy ma’muriyat vakillarining ma’lum qilishicha, ikki kishi hodisa joyida, yana yetti kishi esa tibbiy yordam ko‘rsatilayotgan vaqtda halok bo‘lgan.

Jarohatlanganlarning bari kasalxonalarga yotqizilgan, ulardan to‘qqiz nafarining ahvoli og‘ir deb aytilmoqda.