Erta tongda ko‘p qavatli uylardan birida sodir bo‘lgan yong‘inni o‘chirish hamda u yerdagi aholini qutqarish uchun birinchi bo‘lib musulmonlar yordamga shoshdi, deb xabar berdi Islam-today.
Yong‘in 24 qavatli binoda saharlik vaqtida sodir bo‘lgan. Musulmonlarning ko‘pchiligi uxlayotganlarni uyg‘otish maqsadida barcha eshiklarni taqillatib chiqishgan.
Arab News’ning xabar berishicha, ro‘za tutish uchun erta uyg‘ongan musulmonlar yuzlab insonlar hayotini saqlab qolgan.
“Ro‘za ko‘plab insonlarning hayotini saqlab qoldi. Musulmonlar uxlamasdan saharlikka tayyorgarlik ko‘rayotgan edi. Bu o‘zlarini ham, boshqalarni ham qutqarib qoldi”, — dedi yong‘in sodir bo‘lgan uyda istiqomat qiluvchi sudanlik fuqaro.
“Bizning tumanimizda yuzlab millat vakillari yashaydi. Barchamiz ahil-inoqmiz. Statistik ma’lumotlarga ko‘ra, bizda Londonning boshqa hududlariga nisbatan o‘g‘riliklar kam sodir bo‘ladi. Ayni vaqtda yuzlab odam ko‘chada qolganiga qaramay o‘z xavfsizligimizdan havotirda emasmiz, chunki bu yerda barcha bir-birini taniydi”, — dedi Rashida ismli ayol Sky News’ga bergan intervyusida.
Izoh (0)