Rossiya ikki tomonlama munosabatlarni tiklashga tayyorligini bildirgan AQSh prezidenti Donald Trampga ijobiy yondoshadi. Bu haqda Rossiya prezidenti Vladimir Putin Showtime telekanalida namoyish etilgan rejissor Oliver Stounga intervyusi davomida ma’lum qildi, deya xabar beradi “Gazeta.ru”.
“Albatta, biz janob Trampni yoqtirgandik va hozir ham shunday. Chunki u Rossiya — AQSh munosabatlarini tiklashga tayyorligi va buni istashi haqida oshkora gapirdi. Jurnalistlar bu borada menga savollar berishga uringanda ularning o‘zidan so‘rardim: nima, siz Rossiya va Qo‘shma Shtatlar o‘rtasidagi yaxshi munosabatlarga qarshimisiz? U iqtisodiy aloqalarning tiklanishi, terrorizmga qarshi birgalikdagi kurash haqida gapirdi, nahot bu yomon bo‘lsa?” — dedi Putin.
Rossiya prezidentiga ko‘ra, Moskva ikki davlat o‘rtasidagi munosabatlar amalda qanday rivojlanishini diqqat bilan kuzatib boradi.
Izoh (0)