Россия икки томонлама муносабатларни тиклашга тайёрлигини билдирган АҚШ президенти Дональд Трампга ижобий ёндошади. Бу ҳақда Россия президенти Владимир Путин Showtime телеканалида намойиш этилган режиссёр Оливер Стоунга интервьюси давомида маълум қилди, дея хабар беради «Газета.ru».
«Албатта, биз жаноб Трампни ёқтиргандик ва ҳозир ҳам шундай. Чунки у Россия — АҚШ муносабатларини тиклашга тайёрлиги ва буни исташи ҳақида ошкора гапирди. Журналистлар бу борада менга саволлар беришга уринганда уларнинг ўзидан сўрардим: нима, сиз Россия ва Қўшма Штатлар ўртасидаги яхши муносабатларга қаршимисиз? У иқтисодий алоқаларнинг тикланиши, терроризмга қарши биргаликдаги кураш ҳақида гапирди, наҳот бу ёмон бўлса?» — деди Путин.
Россия президентига кўра, Москва икки давлат ўртасидаги муносабатлар амалда қандай ривожланишини диққат билан кузатиб боради.
Изоҳ (0)