Rossiya prezidenti Vladimir Putin Ukraina sharqidagi vaziyat bo‘yicha AQSh sobiq prezidenti Barak Obama bilan doimiy aloqada bo‘lgan. Bu haqda Rossiya yetakchisi amerikalik rejissor Oliver Stounga bergan intervyusida ma’lum qildi, deb yozadi “Korrespondent.net”.
“Biz telefon orqali doimiy ravishda aloqada bo‘lganmiz, desa ham bo‘ladi”, — dedi Putin.
Shu bilan birga, ularning bitimga kelgan-kelmaganligi haqidagi savolga Rossiya prezidenti “yo‘q” deb javob berdi. Ammo Rossiya yetakchisi Obama bilan muzokaralari hamisha ish yuzasidan bo‘lganligini aytdi.
“Ukrainadagi inqiroz sabablari va uning borishi haqida bizning fikrlarimiz turlicha edi. Muzokaralar ish yuzasidan olib borilar edi. Ular qarama-qarshilik emas, balki manfaatdorlikka asoslangan edi”, — deya ta’kidladi Putin.
Izoh (0)