Бирлашган Араб Амирликлари расмийлари учинчи давлат авиакомпанияларига Қатарга рейсларни бажариш чоғида мамлакат ҳаво ҳудуди ва аэропортларидан фойдаланишга рухсат берди. Бу ҳақда БАА фуқаролик авиацияси бошқармаси баёнотига таяниб, WAM агентлиги маълум қилди.
Шунингдек, хусусий ва чартер рейслари ҳам (Қатар авиацияси бажарадиганларидан ташқари) Доҳага йўл олаётганида ва қайтаётганида БАА ҳаво ҳудудига кириши мумкин. Бироқ бунинг учун камида бир сутка аввал рухсат олиниши керак.
Олдинроқ Саудия Арабистони фуқаролик авиацияси бошқармаси ҳам шундай қарор қабул қилганди.
Қатарда қайд этилган барча авиакомпаниялар ва самолётларга БАА аэропортларига қўниш ва ҳаво ҳудудидан ўтишга қўйилган тақиқ ўз кучида қолди.
Изоҳ (0)