AQSh Davlat kotibi Reks Tillerson Saudiya Arabistoni, Birlashgan Arab Amirliklari va Misrni Qatar iqtisodiy qamalini bo‘shashtirishga chaqirdi. Bu haqda “TASS” xabar bermoqda.
“Biz Saudiya Arabistoni, Birlashgan Arab Amirliklari va Misrni Qatar qamalini bo‘shashtirishga chaqiramiz. Bu AQShning mintaqadagi harbiy harakatlari va IShIDga qarshi kurash olib borishiga to‘sqinlik qiladi. Shuningdek, Amerika kompaniyalari va ularning sheriklari ishiga salbiy ta’sir ko‘rsatadi”, — dedi Tillerson.
Davlat kotibi AQSh Kuvayt amirining Qatar atrofidagi vaziyatni tinch yo‘l bilan hal etishga qaratilgan urinishlarini qo‘llab-quvvatlashini bildirdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)