Buyuk Britaniyada 7-iyun kuni energiyaning qayta tiklanuvchi manbalari mamlakat tarixida ilk bor an’anaviy manbalarga qaraganda ko‘proq elektr energiyasi ishlab chiqardi. Bu haqda TJournal ma’lum qildi.
Quyosh, suv, shamol, biomassa va yog‘ochda ishlovchi stansiyalar ko‘rsatkichlari gaz va ko‘mirda ishlovchilari bilan taqqoslandi.
National Grid elektr energiyasi operatoriga ko‘ra, shu kuni tushki vaqtga borib qayta tiklanuvchi manbalar 18,7 gigavatt elektr energiyasi ishlab chiqardi. Bu umumiy ko‘rsatkichning 50 foizdan oshig‘ini tashkil etadi.
Agar bunga yadro energiyasini ham qo‘shsa, umumiy quvvatning taxminan 70 foizi hosil bo‘ladi. Qolgani gaz va ko‘mir stansiyalarida ishlab chiqarildi.
Izoh (0)