АҚШ Давлат котиби Рекс Тиллерсон Саудия Арабистони, Бирлашган Араб Амирликлари ва Мисрни Қатар иқтисодий қамалини бўшаштиришга чақирди. Бу ҳақда «ТАСС» хабар бермоқда.
«Биз Саудия Арабистони, Бирлашган Араб Амирликлари ва Мисрни Қатар қамалини бўшаштиришга чақирамиз. Бу АҚШнинг минтақадаги ҳарбий ҳаракатлари ва ИШИДга қарши кураш олиб боришига тўсқинлик қилади. Шунингдек, Америка компаниялари ва уларнинг шериклари ишига салбий таъсир кўрсатади», — деди Тиллерсон.
Давлат котиби АҚШ Кувайт амирининг Қатар атрофидаги вазиятни тинч йўл билан ҳал этишга қаратилган уринишларини қўллаб-қувватлашини билдирди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)