Braziliya oliy saylov sudi yig‘ilishi ma’ruzachisi Erman Benjamin prezident Mishel Temer iste’fosi uchun ovoz berdi. Shu tariqa u 7 nafar sudya ichida birinchi bo‘lib o‘z fikrini bildirdi, deya xabar beradi “RIA Novosti”.
“Men aniqlangan kamchiliklar tufayli prezident juftligi g‘alabasi bekor qilinishi uchun ovoz beraman”, — deya bayonot berdi Erman Benjamin.
Gap Dilma Russeff prezident, Temer esa vitse-prezident etib saylangan 2014-yilgi saylov kampaniyasi noqonuniy moliyalashtirilishi tekshiruvi haqida ketmoqda. Mazkur qonun buzilishlari tan olingan taqdirda sud ushbu saylovlar natijasini bekor qilishi va Temerni prezidentlik mandatidan mahrum etishi ehtimoli mavjud.
Temer Braziliya zamonaviy tarixidagi sud yoki qonunchilik organi tashabbusi bilan lavozimini muddatidan oldin tark etgan uchinchi va yil davomidagi Russeffdan keyingi ikkinchi prezident bo‘lishi mumkin.
Izoh (0)