Eron parlamentida sodir bo‘lgan otishma oqibatida yetti kishi halok bo‘ldi, yana to‘rt kishi garovda ushlanib turibdi. Bu haqda Tasnim agentligi o‘zining Twitter’dagi sahifasida ma‘lum qildi, deb xabar berdi “TASS”.
Agentlikning ta’kidlashicha, halok bo‘lganlar soni rasman tasdiqlanmagan.
Avvalroq, mahalliy vaqt bilan 10:30 larda Eron parlamenti binosiga to‘rt nafar qurollangan terrorchi bostirib kirib qo‘riqchilarga qarata o‘t ocha boshlagan. Kamida sakkiz nafar odam jarohat olgan, qo‘riqchilarning bir nafari esa halok bo‘lgan. Parlament deputatlariga zarar yetmagan.
Huddi shu kabi aksiya noma’lum terrorchilar tomonidan Tehron janubidan 40 kilometr narida joylashgan imom Xumayniy maqbarasida ham amalga oshirilgan. Ma’lumotlarga ko‘ra, daxmaga kamida bir jangari Kalashnikov avtomati bilan qurollangan holda bostirib kirgan. U tartibsiz o‘q otishni boshlagan. O‘qlari tugagach esa portlovchi qurilmani ishga tushirib yuborgan.
Izoh (0)