Oq uy budjet boshqarmasi AQShning kelgusi moliyaviy yil uchun budjet loyihasini taqdim etdi. Bu haqda prezident ma’muriyati saytida ma’lum qilindi, deb yozadi “Gazeta.ru”.
Donald Tramp jamoasining bu kabi hujjat uchun birinchi bosh g‘oyasi ijtimoiy dasturlarni qisqartirish orqali davlatning jamiyatdagi rolini kamaytirishdan iboratdir.
62 sahifadan iborat hujjat davlat xarajatlarini yaqin o‘n yil ichida 3,6 trillion dollarga qisqartirishni ko‘zda tutadi.
Loyiha aholining kam ta’minlangan qatlami uchun oziq-ovqat kartalari, oliy ta’lim muassasalari bitiruvchilari uchun imtiyozlar, fermer xo‘jaliklariga subsidiyalar, daromadlari cheklangan kishilar uchun tibbiy ta’minot kabi ijtimoiy dasturlarni moliyalashtirishni qisqartirishni ko‘zda tutadi.
“Bu soliq to‘lovchilar uchun birinchi budjetdir” — dedi AQSh Budjet boshqarmasi direktori Mik Malveyni brifingda. U budjet loyihasi birinchi navbatda to‘lov imkoniyatiga ega fuqarolar manfaatlarini himoya qilishga qaratilganligini ta’kidladi.
Trampning jamoasi oxirgi o‘n moliyaviy yil ichida yiliga o‘rtacha 790 milliard dollarni tashkil etgan budjet taqchilligini qisqartirish maqsadini qo‘ygan.
Izoh (0)