27-may Kaliforniyada bo‘lib o‘tadigan kimoshdi savdosida amerikalik qo‘shiqchi va aktyor Elvis Presliga tegishli bo‘lgan samolyot sotuvga qo‘yiladi, deb xabar berdi Associated Press.
Gap 1962-yilda ishlab chiqarilgan, ichi Preslining buyurtmasiga asosan bezatilgan Lockheed Jetstar modeli haqida ketmoqda. Samolyot 35 yildan beri foydalanilmagan, dvigatellari yechib olingan. Uning narxi 2 milliondan 3,5 million dollargacha baholanmoqda.
Presli havo transportlariga qiziqqan: unga tegishli bo‘lgan Lisa Marie va Hound Dog II samolyotlari Memfis shahridagi Elvisning “Greyslend” yer-mulkida saqlanadi.
Avvalroq, Julien’s Auctions auksionida xonandaning brilliant to‘g‘nog‘ichi 205 ming dollarga sotilgandi.
Izoh (0)