Filippin prezidenti Rodrigo Duterte Mindanao provinsiyasida harbiy holat joriy etdi. U yerda harbiylar va IShID jangarilari o‘rtasida to‘qnashuvlar ketmoqda, deb xabar beradi “TASS”.
Janubiy provinsiyaning Maravi shahrida harbiylar “Maute” guruhining 15 jangarisi o‘rnashib olgan xonadonni qamal qilmoqda. Harbiylar va terrorchilar o‘rtasidagi janglar davom etmoqda.
Aytilishicha, jangarilar orasida yana bir ekstremistik guruh — “Abu Sayyaf” yetakchilaridan biri ham bor.
“Maute” va “Abu Sayyaf” guruhlari IShIDga sadoqat izhor qilgan va shu bois uning bo‘linmalari hisoblanadi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)