Amerikaning The Washington Post gazetasi o‘z tahririyatiga kelib tushgan hujjatlarga tayanib, Pentagon ikki yildan buyon Suriya muxolifatini budjet bilan bog‘liq firibgarliklar yordamida moliyalashtirib kelayotganini ma’lum qildi, deb yozadi “MK.ru”.
Nashr ma’lumotlariga ko‘ra, harbiy idora doimiy ravishda yoqilg‘i sotib olish uchun smetalarni oshirib ko‘rsatadi, mablag‘ning ortiqchasini esa suriyalik isyonchilarga yuboradi.
2015-yildan buyon Pentagon shu tariqa Suriya muxolifat qo‘shinlarini o‘qitishga 80 million dollar ajratgan. Shunga o‘xshash usulda orttirilgan yana 1,4 milliard dollar “Afg‘onistondagi kutilmagan xarajatlar”ga ishlatilgan.
Xabarlarga ko‘ra, harbiy muassasa yoqilg‘i sotib olishda foyda olinganini tan oldi, ammo bu neft narxi tushib ketishi natijasida kuzatilganini qayd etdi.
Izoh (0)