Shveysariya fuqarolari energiya iste’molini kamaytirish va qayta tiklanuvchi manbalardan foydalanishni rivojlantirishga qaratilgan, yangi atom elektrostansiyalar qurilishini man etadigan islohotlarni ma’qulladi. Bu haqda “Korrespondent.net” xabar bermoqda.
GfS Bern tadqiqot institutiga ko‘ra, ovoz berishda ishtirok etgan fuqarolarning 58 foizga yaqini referendumga qo‘yilgan “Energetika strategiyasi — 2050”ni ma’qulladi.
Mazkur strategiyaga ko‘ra, mavjud AESlar xavfsizlik 100 foiz kafolatlangan taqdirdagina faoliyat ko‘rsatadi. Yangi atom elektrostansiyalar esa mamlakatda qurilmaydi.
Shuningdek, strategiyada energiyaning qayta tiklanuvchi manbalari — gidroelektrostansiyalar, shamol generatorlari va quyosh qurilmalariga o‘tish ko‘zda tutilgan. Davlat uglevodorodlar importini qisqartirishni rejalashtirmoqda.
Izoh (0)