Американинг The Washington Post газетаси ўз таҳририятига келиб тушган ҳужжатларга таяниб, Пентагон икки йилдан буён Сурия мухолифатини бюджет билан боғлиқ фирибгарликлар ёрдамида молиялаштириб келаётганини маълум қилди, деб ёзади «MK.ru».
Нашр маълумотларига кўра, ҳарбий идора доимий равишда ёқилғи сотиб олиш учун сметаларни ошириб кўрсатади, маблағнинг ортиқчасини эса суриялик исёнчиларга юборади.
2015 йилдан буён Пентагон шу тариқа Сурия мухолифат қўшинларини ўқитишга 80 миллион доллар ажратган. Шунга ўхшаш усулда орттирилган яна 1,4 миллиард доллар «Афғонистондаги кутилмаган харажатлар»га ишлатилган.
Хабарларга кўра, ҳарбий муассаса ёқилғи сотиб олишда фойда олинганини тан олди, аммо бу нефть нархи тушиб кетиши натижасида кузатилганини қайд этди.
Изоҳ (0)