Xitoyning UChina kompaniyasida marketing bo‘yicha direktor bo‘lib ishlaydigan Artyom Jdanov Facebook’dagi sahifasiga Shenchjen shahridagi notanish firma ofisida olingan rolikni joyladi, deb yozadi TJournal.
Rossiyalikning so‘zlariga ko‘ra, ushbu ofisda bir necha yuzlab smartfonlar yordamida WeChat messenjerida akkauntlarga obunachi yig‘ishadi. Qurilmalar simlar yordamida o‘zaro ulangan va bitta tizimda joylashgan, ularni aynan shu tizim orqali boshqarishadi.
“Aytishlaricha, asosiy quvvatlar boshqa joyda. U yerda smartfonlar soni 10 mingtadan oshadi. Shu tariqa, ular obunachilar, ko‘rishlar, layklar va izohlar sonini ko‘paytiradi. Bularning barchasi bir-ikkita kompyuterdan boshqariladi”, — deb yozdi Artyom Jdanov.
U akkauntlarga obunachi yig‘ish tizimi aynan qanday ishlashiga aniqlik kiritmadi. Bu haqda ushbu kompaniya bilan bitim tuzgach, aytib berishga va’da berdi.
Izoh (0)