Xitoy armiyasi askar maxfiy ma’lumotlarni so‘zlaganida bu haqda rasmiylarni avtomatik ogohlantiruvchi, smartfonlar uchun mo‘ljallangan dasturiy ta’minotni ishlab chiqmoqda. Bu haqda, Xitoyning The People’s Liberation Army Daily harbiy nashriga tayanib, “RBK” xabar berdi.
Dastur askarlar internetdan foydalanish intizomini buzganida rasmiylarga xabar yuboradi. U harbiy foydalangan telefondagi barcha raqamlarni kuzatishi mumkin.
Hozirda ushbu dastur sinovdan o‘tkazilmoqda. Yangi dasturiy ta’minotning maqsadi — askarlarning mobil telefonlardan foydalanishini va maxfiy ma’lumotlar tarqab ketishini nazorat qilishdan iborat.
Smartfonlarga qo‘yilishi mumkin bo‘lgan ushbu cheklov ko‘plab xitoylik harbiylarning noroziligiga sabab bo‘lmoqda.
Izoh (0)