Хитойнинг UChina компаниясида маркетинг бўйича директор бўлиб ишлайдиган Артём Жданов Facebook’даги саҳифасига Шэньчжэнь шаҳридаги нотаниш фирма офисида олинган роликни жойлади, деб ёзади TJournal.
Россияликнинг сўзларига кўра, ушбу офисда бир неча юзлаб смартфонлар ёрдамида WeChat мессенжерида аккаунтларга обуначи йиғишади. Қурилмалар симлар ёрдамида ўзаро уланган ва битта тизимда жойлашган, уларни айнан шу тизим орқали бошқаришади.
«Айтишларича, асосий қувватлар бошқа жойда. У ерда смартфонлар сони 10 мингтадан ошади. Шу тариқа, улар обуначилар, кўришлар, лайклар ва изоҳлар сонини кўпайтиради. Буларнинг барчаси бир-иккита компьютердан бошқарилади», — деб ёзди Артём Жданов.
У аккаунтларга обуначи йиғиш тизими айнан қандай ишлашига аниқлик киритмади. Бу ҳақда ушбу компания билан битим тузгач, айтиб беришга ваъда берди.
Изоҳ (0)