Rossiyaning Saratov viloyatidagi Xvalinsk shahrida uch kishi benzin bug‘idan zaharlandi. Noxush hodisa yo‘l tashkiloti hududida sodir bo‘ldi, deb xabar berdi “1news.uz”.
“ChP-Saratov” nashrining ma’lumotlariga ko‘ra, O‘zbekiston fuqarosi bo‘lgan uch nafar shaxs yoqilg‘i saqlash uchun mo‘ljallagan idishni tozalash maqsadida uning ichiga tushgan. Erkaklar maxsus himoya vositalari bilan jihozlanmagan va oqibatda uchalasi ham hayot uchun xavfli benzin bug‘laridan nafas olib zaharlangan.
Jabrlanganlarni qutqaruvchilar idish ichidan chiqarib olgan va ular shifoxonaga yetkazilgan. Ulardan birining ahvoli o‘rtacha, qolganlariniki esa og‘ir ekanligi aytilmoqda.
Izoh (0)