Россиянинг Саратов вилоятидаги Хвалинск шаҳрида уч киши бензин буғидан заҳарланди. Нохуш ҳодиса йўл ташкилоти ҳудудида содир бўлди, деб хабар берди «1news.uz».
«ЧП-Саратов» нашрининг маълумотларига кўра, Ўзбекистон фуқароси бўлган уч нафар шахс ёқилғи сақлаш учун мўлжаллаган идишни тозалаш мақсадида унинг ичига тушган. Эркаклар махсус ҳимоя воситалари билан жиҳозланмаган ва оқибатда учаласи ҳам ҳаёт учун хавфли бензин буғларидан нафас олиб заҳарланган.
Жабрланганларни қутқарувчилар идиш ичидан чиқариб олган ва улар шифохонага етказилган. Улардан бирининг аҳволи ўртача, қолганлариники эса оғир эканлиги айтилмоқда.
Изоҳ (0)