Tirnoqlar sarg‘ayishining sababi nimada?

Agar tirnoqlaringiz sariq tusga kira boshlagan bo‘lsa, vahima qilmang: buning sababi vitamin yetishmasligida emas.

1-sabab: Siz qoramtir bo‘yoqni sevasiz

Tirnoqlar mustahkam va qattiq bo‘lishi bilan birga, ular juda g‘ovak ham bo‘ladi. Shuning uchun siz tirnoqlaringizni qoramtir tusli bo‘yoq bilan bo‘yaganingizda, uning pigmenti tirnoq ichiga kirishi mumkin. Bu bo‘yoqdagi temir oksidi oksidlanishi natijasida tirnoqlarda asta-sekin o‘z-o‘zidan yo‘qolib ketuvchi sariq rangli dog‘lar paydo bo‘ladi.

2-sabab: Siz umumiy foydalaniladigan dushda maxsus poyabzal kiyishni unutasiz

Sport zallari – tirnoqlaringiz uchun eng xavfsiz bo‘lmagan muhit. Umumiy dushlar va yechinish joylari pollarida zamburug‘lar yashaydi. Bakteriya va zamburug‘lar tirnoqlarning sarg‘ayishiga va ularning bo‘shab qolishiga sabab bo‘ladi.

3-sabab: Siz chekasiz

Tirnoqlarning sarg‘ayishi ko‘pincha surunkali o‘pka kasalliklari, jigar faoliyati susayishi bilan og‘riganlarda va ko‘p chekuvchilarda kuzatiladi. Ba’zi vitaminlar, masalan B12 vitamini va rux yetishmasligi ham vaqt o‘tishi bilan tirnoqlar rangining sarg‘ayishiga olib kelishi mumkin.

4-sabab: Oiladagilarda ham sariq tirnoqlarning bo‘lishi

Juda kam hollarda “sariq tirnoqlar sindromi” deb ataluvchi holat kuzatiladi. Bu irsiy xususiyat o‘rta yoshlarda va ikkala qo‘l-oyoq tirnoqlarida, shuningdek nafas olish qiyinlashishining surunkali shakli bilan birga namoyon bo‘ladi.

Manba: “Zdorovie.com”