Ertalab tetiklikka qahvasiz erishish usullari

Qahva yordamida hal qilinadigan doimiy muammolar — ertalabki ruhiy tetiklik va aqliy tiniqlikni boshqa usullar bilan ham amalga oshirish mumkin. Qanday uyg‘onish va ertalabki tetiklikni his qilish to‘g‘risida aytmoqchimiz.

Oqsilning ketidan yuguring!

Agar ertalabdan tarkibida kamida 10 gramm oqsili bo‘lgan biror ovqat yesangiz, qonda qand miqdori oshadi. Ayni zamonda siz organizmdagi energiya zaxirasini ham to‘ldirasiz.

O‘zingizni soviting

Sovuq yurakning tezroq faoliyat ko‘rsatishini va miyaga qisqa vaqt ichida qon yetkazib berilishiga yordam beruvchi adrenalin gormonlari ishlab chiqarilishini ta’minlaydi. Shuning uchun ertalabki bir piyola sovuq suv organizmdagi suyuqlik zaxirasini to‘ldirish bilan birga ajoyib tarzda tetiklashtiradi ham.

Ko‘k choy damlang

Qahvaning tetiklashtirishiga shubha yo‘q, lekin bu ichimlikka haddan tashqari berilish asabiylikning oshishiga olib kelishi mumkin. Ko‘k choy esa butunlay boshqacha: bir tomondan unda ruhiy tetiklikni tiklashga yetadigan kofein bor, ikkinchi tomondan esa ichimlik tarkibida o‘ziga xos moddalar — xotirjamlik va diqqat-e’tiborni bir joyga to‘plashga yordam beruvchi katexinlar mavjud.

Nafas olish va chiqarish

Bir maromdagi chuqur nafas miyani unga har qanday paytda aqlning tiniqligini saqlash uchun zarur bo‘ladigan kislorod bilan to‘ldiradi.

Sayr qiling

Quyoshli kunda tashqarida bor-yo‘g‘i 15 daqiqa sayr qilish faoliyat ko‘rsatish uchun zarur hisoblanuvchi D vitaminidan bahramand bo‘lishga yetarlidir.

Mashq qiling

Muntazam ravishda jismoniy faollik quvvat bag‘ishlaydi va organizmda kayfiyatni ko‘taruvchi serotonin miqdorini oshiradi.

Manba: “Anysports.tv”