Тирноқлар сарғайишининг сабаби нимада?

Агар тирноқларингиз сариқ тусга кира бошлаган бўлса, ваҳима қилманг: бунинг сабаби витамин етишмаслигида эмас.

1-сабаб: Сиз қорамтир бўёқни севасиз

Тирноқлар мустаҳкам ва қаттиқ бўлиши билан бирга, улар жуда ғовак ҳам бўлади. Шунинг учун сиз тирноқларингизни қорамтир тусли бўёқ билан бўяганингизда, унинг пигменти тирноқ ичига кириши мумкин. Бу бўёқдаги темир оксиди оксидланиши натижасида тирноқларда аста-секин ўз-ўзидан йўқолиб кетувчи сариқ рангли доғлар пайдо бўлади.

2-сабаб: Сиз умумий фойдаланиладиган душда махсус пойабзал кийишни унутасиз

Спорт заллари – тирноқларингиз учун энг хавфсиз бўлмаган муҳит. Умумий душлар ва ечиниш жойлари полларида замбуруғлар яшайди. Бактерия ва замбуруғлар тирноқларнинг сарғайишига ва уларнинг бўшаб қолишига сабаб бўлади.

3-сабаб: Сиз чекасиз

Тирноқларнинг сарғайиши кўпинча сурункали ўпка касалликлари, жигар фаолияти сусайиши билан оғриганларда ва кўп чекувчиларда кузатилади. Баъзи витаминлар, масалан B12 витамини ва рух етишмаслиги ҳам вақт ўтиши билан тирноқлар рангининг сарғайишига олиб келиши мумкин.

4-сабаб: Оиладагиларда ҳам сариқ тирноқларнинг бўлиши

Жуда кам ҳолларда «сариқ тирноқлар синдроми» деб аталувчи ҳолат кузатилади. Бу ирсий хусусият ўрта ёшларда ва иккала қўл-оёқ тирноқларида, шунингдек нафас олиш қийинлашишининг сурункали шакли билан бирга намоён бўлади.

Манба: «Zdorovie.com»