Yevropada qizamiq tarqalishi oqibatida 4 mingdan ortiq odam jabrlandi

Yil boshidan beri Yevropa mamlakatlarida qizamiq tarqalishi oqibatidan to‘rt mingdan ortiq odam jabrlandi, deb xabar berdi “TASS”.

“2017-yilning boshidan beri Yevropa mamlakatlari hududida qizamiq bilan kasallanishning ortgani kuzatilmoqda. Jabrlanganlarning umumiy soni 4 mingdan ortdi”, — deb keltiriladi xabarda.

Bayonot ma’lumotlariga ko‘ra, kasallik holatlari Avstriya, Ruminiya, Bolgariya, Belgiya, Chexiya, Vengriya, Fransiya, Germaniya, Shvetsiya, Italiya, Portugaliya, Islandiya, Ispaniya va Shveysariyada ro‘yxatga olingan. Jumladan, Ruminiya va Italiyada jabrlanganlar soni boshqa davlatlarga nisbatan ko‘proq.

Bayonotda ta’kidlanishicha, qizamiqning tarqalishiga mamlakatda aholini emlashning past darajasi sabab bo‘lgan.

Ayni vaqtda mamlakatlarda kasallik o‘chog‘ining kengayishiga yo‘l qo‘ymaslik, shuningdek, aholini emlash ishlari olib borilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!