Xitoy shimolidagi Ichki Mo‘g‘uliston avtonom tumanida aholi turar joylaridan birida gaz portlashi hamda podyezd qulashi oqibatida uch kishi halok bo‘ldi, 25 kishi jarohat oldi. Bu haqda “Sinxua” agentligiga tayanib, “RIA Novosti” xabar qildi.
Noxush hodisa Baotou shahar okrugida 25-mart, shanba kuni sodir bo‘ldi.
Xabarda aytilishicha, to‘rt kishi og‘ir, qolganlar esa yengil tan jarohati olgan.
“Dunfan van” saytining ma’lumotlariga ko‘ra, to‘rt qavatli aholi turar joyining podyezdi butunlay vayron bo‘lgan. Uyning oynalari sinib ketgan, portlash oqibatida yaqin atrofda turgan avtomobillarga ham zarar yetgan. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)