Londondagi parlament binosi yaqinida hujum uyushtirgan terrorchi Xolid Ma’sud sheriklarsiz harakat qilgan. Bu haqda shahar politsiyasiga tayanib, “Interfaks” xabar bermoqda.
Huquq-tartibot organlari axborotiga ko‘ra, u o‘z rejasini hech kim bilan muvofiqlashtirmagan. Bundan tashqari, tekshiruv boshqa ehtimoliy teraktlar haqidagi ma’lumotlarni bermadi. Politsiya vakili Nil Basu so‘zlariga ko‘ra, tergovchilar Ma’sudning hujumdan maqsadini aniqlay olmasligi mumkin.
Politsiyachilar hujum 82 soniya ichida to‘xtatib qolinganini tasdiqladi.
Eslatib o‘tamiz, 22-mart, chorshanba kuni Londondagi parlament binosi oldida sodir etilgan hujum uchun javobgarlikni IShID terrorchilik tashkiloti o‘z zimmasiga oldi.
Izoh (0)