Turkiya harbiy-havo kuchlari tomonidan joriy hafta Suriyaning Al-Bob hududiga berilgan aviazarbalar natijasida IShID yetakchilaridan biri Abu-Xolid Urduniy yo‘q qilindi. Bu haqda “Kommersant” xabar bermoqda.
IShIDning Al-Bobdagi “gubernatori”dan tashqari, 3-fevral kuni Turkiya harbiy aviatsiyasi bergan zarbalar oqibatida yana kamida 31 nafar terrorchi yo‘q qilingan.
Turkiya armiyasi 2016-yil 24-avgustidan beri “Suriya ozodlik armiyasi” jangchilari bilan birgalikda “Frot qalqoni” harbiy operatsiyasini o‘tkazmoqda.
Operatsiyadan ko‘zlangan maqsad — Turkiyaning Suriya bilan chegarasi atrofini terrorchilardan tozalashdir.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)