Afg‘onistondagi qor ko‘chkilari oqibatida 38 kishi halok bo‘ldi

Afg‘onistonda yuz bergan bir necha qor ko‘chkisi oqibatida kamida 38 kishi halok bo‘lgan. Bu haqda “Kommersant” xabar bermoqda.

Afg‘oniston Favqulodda vaziyatlar va gumanitar masalalar vazirligi vakili Umar Muhammadiyning so‘zlariga ko‘ra, mamlakatning 34 viloyatidan 22 tasida kuzatilgan qor bo‘roni va kuchli shamol natijasida ko‘chkilar yuz bergan.

Mamlakatdagi ob-havo sharoiti 2-fevraldan boshlab keskin og‘irlashgan. O‘tgan davr mobaynida kamida 20 kishi tan jarohati olgani aytilmoqda.

Ko‘chkilar oqibatida 20 ta uy vayron bo‘lgan, 50 ga yaqin inshootga zarar yetgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.