Afg‘onistonning Helmand viloyatida olib borilgan bir necha maxsus operatsiyalar vaqtida kamida 54 nafar jangari yo‘q qilindi. “Kommersant”ning yozishicha, ular orasida “Tolibon” jangari harakati qo‘mondonlaridan biri ham bor.
Afg‘oniston Mudofaa vazirligi axborotiga ko‘ra, barcha jangarilar Garamser nohiyasida yo‘q qilingan. Qayd etishlaricha, maxsus operatsiya Afg‘oniston armiyasining artilleriya bo‘linmalari va mamlakat harbiy-havo kuchlari ko‘magida o‘tkazilgan.
Helmand Afg‘oniston janubidagi eng notinch viloyatlardan biridir. O‘tgan hafta “Tolibon” jangarilarining bosqini sabab hududda vaziyat og‘irlashdi.
So‘nggi bir necha oydan beri mamlakatda “Tolibon” jangari harakati faollashgan, harakat a’zolari bir necha bor yirik shaharlarga hujum uyushtirdi. Afg‘onistonda, shuningdek, IShID terrorchilik tashkiloti ham faol.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)