Туркия ҳарбий-ҳаво кучлари томонидан жорий ҳафта Суриянинг Ал-Боб ҳудудига берилган авиазарбалар натижасида ИШИД етакчиларидан бири Абу-Холид Урдуний йўқ қилинди. Бу ҳақда «Коммерсантъ» хабар бермоқда.
ИШИДнинг Ал-Бобдаги «губернатори»дан ташқари, 3 февраль куни Туркия ҳарбий авиацияси берган зарбалар оқибатида яна камида 31 нафар террорчи йўқ қилинган.
Туркия армияси 2016 йил 24 августидан бери «Сурия озодлик армияси» жангчилари билан биргаликда «Фрот қалқони» ҳарбий операциясини ўтказмоқда.
Операциядан кўзланган мақсад — Туркиянинг Сурия билан чегараси атрофини террорчилардан тозалашдир.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)