AQSh apellyatsiya sudi mamlakat Adliya vazirligining muhojirlik haqidagi prezident Tramp farmoni ijrosini vaqtincha to‘xtatib qo‘ygan Sietl federal sudi qarori ustidan bergan shikoyatni rad etdi. Bu haqda “TASS” xabar bermoqda.
San-Fransiskoning 9-okrugi apellyatsiya sudi AQSh Adliya vazirligiga mazkur rad javobiga e’tiroz bildirish uchun 6-fevral, dushanba kunigacha muddat berdi.
Adliya vazirligi Sietl federal sudi (Vashington shtati) qaroriga 4-fevral, shanba kuni apellyatsiya bergan edi.
The Seattle Times nashriga ko‘ra, bu ish bo‘yicha javobgar tomon sifatida prezident Donald Tramp, AQSh davlat kotibi Reks Tillerson, milliy xavfsizlik vaziri Jon Kelli ko‘rsatilgan.
Eslatib o‘tamiz, 3-fevral, juma kuni Sietlda sudya Jeyms Robart Trampning migratsiya tartibini kuchaytiruvchi farmoni ijrosiga vaqtincha taqiq qo‘ygan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)