Ruminiya hukumati 5-fevral kuni bo‘lib o‘tgan shoshilinch yig‘ilishida hafta boshida qabul qilingan va mamlakatda ommaviy noroziliklarga sabab bo‘lgan Jinoyat kodeksiga tuzatishlar kiritish haqidagi qarorini bekor qildi. Bu haqda “TASS” xabar bermoqda.
Namoyish qatnashchilari tuzatishlar kuchga kirib, amnistiya e’lon qilinganidan so‘ng, korrupsiyaga aloqador sobiq amaldorlar va xavfli jinoyatchilar ozodlikka chiqishidan xavotir bildirgan.
Shoshilinch yig‘ilishda bosh vazir Sorin Grindyanu adliya vaziri Florin Yordakega vazirlik faoliyatiga baho berishni taklif qildi.
Vazirlik jamoatchilikka oltinchi kun davom etayotgan ommaviy noroziliklarga sabab bo‘lgan qaror mazmuni haqida yetarlicha ma’lumot bermaganligi uchun tanqidga uchradi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)