Abu-Dabining Ferrari World bog‘idagi “Amerika tepaligi” attraksionidan 24 kishi qutqarildi. Bu haqda “RIA Novosti” xabar bermoqda.
Oxirgi kunlarda BAAda kuzatilayotgan kuchli shamol tufayli (voqea sodir bo‘lgan kun shamol tezligi soatiga 75 kilometrga yetgan) attraksion ko‘tarilayotgan payt to‘satdan o‘rtada to‘xtab qoldi. Bog‘ vakillariga ko‘ra, shu tariqa himoya mexanizmi ishlab ketgan.
Hodisa o‘tgan yili ochilgan va eng yuqori “aylanma sirtmoq” hamda eng tez tushish bo‘yicha dunyo rekordini o‘rnatgan Flying Aces attraksionida ro‘y berdi. Qutqaruvchilarga har bir yo‘lovchini qutqarish uchun 3,5 daqiqadan kerak bo‘ldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)