Абу-Дабининг Ferrari World боғидаги «Америка тепалиги» аттракционидан 24 киши қутқарилди. Бу ҳақда «РИА Новости» хабар бермоқда.
Охирги кунларда БААда кузатилаётган кучли шамол туфайли (воқеа содир бўлган кун шамол тезлиги соатига 75 километрга етган) аттракцион кўтарилаётган пайт тўсатдан ўртада тўхтаб қолди. Боғ вакилларига кўра, шу тариқа ҳимоя механизми ишлаб кетган.
Ҳодиса ўтган йили очилган ва энг юқори «айланма сиртмоқ» ҳамда энг тез тушиш бўйича дунё рекордини ўрнатган Flying Aces аттракционида рўй берди. Қутқарувчиларга ҳар бир йўловчини қутқариш учун 3,5 дақиқадан керак бўлди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)