Ucell bilan birgalikda dunyo bo‘ylab!

Mobil internetni rivojlantirish va aholiga qulay xizmatlarini taqdim etish Ucell kompaniyasining faoliyatida strategik vazifalar sirasiga kiradi. Ushbu ustuvor masala bir necha yo‘nalish bo‘yicha o‘z yechimini topmoqda.Xususan, kompaniyaning texnologik yangilanishi doirasida sifatli internet aloqasini yo‘lga qo‘yish uchun mamlakat bo‘ylab 3G/LTE bazaviy stansiyalar o‘rnatilmoqda. Shuningdek, Ucell O‘zbekistonda birinchi bo‘lib hududlar kesimida 4G/LTE tarmog‘ini Samarqand, Buxoro va Navoiy viloyatlarida ishga tushirgan. Yana bir muhim yo‘nalish abonentlar uchun qulay va har xil tarif rejalarni taqdim etish va ular orasida mobil internetdan kengroq foydalanishga qaratilgan maxsus aksiyalarni o‘tkazishdan iborat.

Kompaniyaning “Dunyo bo‘ylab!” deb nomlangan internet-aksiyasi ana shunday tashabbuslarning davomi bo‘ldi. 2016-yil 20-oktabrda boshlangan tadbir 2017-yil 20-yanvargacha o‘tkazildi va foydalanuvchilarga Malayziya, Tailand, Birlashgan Arab Amirliklarida joylashgan dunyoga mashhur go‘zal va so‘lim go‘shalarda dam olish imkoniyatini taqdim etdi. Aksiya shartlariga ko‘ra mijozlar internet uchun, abonent to‘lovi hisobga olingan holda, ishlatilgan har bir dollar uchun imkoniyatlar yig‘di. Xo‘sh, Ucell sovrinlarini kimlar qo‘lga kiritdi? Ushbu savolga poytaxtimizda bo‘lib o‘tgan aksiyaning yakuniy bosqichida aniqlik kiritildi.Ucell kompaniyasining menejeri Diyor Obidov:

— Kompaniyamiz mobil internetdan foydalanishni rag‘batlantiruvchi aksiyalarni ko‘p marta o‘tkazgan. Bosh sovrin sifatida esa futbol bo‘yicha Yevropa chempionlar ligasining final uchrashuviga va “Formula 1” poygasining Malayziyadagi bosqichiga yo‘llanmalar o‘ynalgan. Tajribadan kelib chiqqan holda shuni aytish mumkinki, bunday takliflar mijozlarimiz orasida katta qiziqish uyg‘otdi. Smartfonlarning ko‘payishi va internet ko‘lamining kengayishi aholi uchun muloqot imkoniyatini ko‘paytirmoqda.

Aytib o‘tish joizki, “Dunyo bo‘ylab” aksiyasida 2 million 595 mingdan ortiq abonent ishtirok etdi. Aksiyaning barcha g‘oliblarini tabriklaymiz. Ularga sayyoramizning eng go‘zal manzillaridan birida mazmunli va maroqli dam olib kelishlarini tilab qolamiz.

Shu kuni sovrinlar quyidagi tarzda o‘ynaldi. Avval 2016-yil 20-noyabrga qadar imkoniyatlar to‘plagan tadbir ishtirokchilari orasida g‘oliblar aniqlandi. Shundan so‘ng 2016-yil 20-dekabrgacha va 2017-yil 20-yanvargacha imkoniyat to‘plagan internet foydalanuvchilari ichida yutuq egalari ma’lum bo‘ldi. Natijada uchta g‘olib bosh sovrinlarni, ya’ni Malayziya, Tailand va BAAga sayyohlik yo‘llanmalarini qo‘lga kiritdi. Shunisi ham borki, har bir yo‘llanma ikki kishi uchun.Hasanboy Begmatov, aksiya g‘olibi:

— To‘g‘risini aytsam, g‘olib bo‘lishimni kutmagan edim. Ishtirokchilar juda ko‘p edi va ular orasida baxt aynan menga kulib boqqanidan nihoyatda xursandman. Anchadan beri dunyoning mashhur sayyohlik markazlarida dam olib kelishni orzu qilardim. Lekin uning aynan Ucell bilan ro‘yobga chiqishini hech o‘ylamaganman. Mobil internetdan har kuni foydalanaman. Yaqinlarim, do‘stlarim bilan aloqada bo‘lish, yangiliklarni muntazam bilib turish uchun juda qulay. Bu maqsadda ko‘proq Telegram dasturini ishlataman. Ucell’ga o‘z minnatdorchiligimni izhor qilaman! Katta rahmat! Endi rafiqam bilan birgalikda Tailandga ajoyib sayyohatga boraman.

Aksiyaning boshqa ishtirokchilari ham kompaniya e’tiboridan chetda qolmadi. Sovrin sifatida ular Samsung Galaxy S7 EDGE, Samsung Galaxy S7, Samsung Galaxy Note 5, shuningdek, Galaxy A7 2016 kabi smartfonlarga ega bo‘ldi.