Kaliforniyada uy 3D-printeri er-xotin va ularning ikki mushugi o‘limiga sabab bo‘ldi

Rojer va Valeri Morash o‘zining 3D-printeri chiqargan is gazidan zaharlanib, vafot etdi. Bu haqda Daily Mail xabar bermoqda.

Er-xotin va ularning ikki mushugi Kaliforniyadagi uyidan jonsiz holda topilgan. Morashlarning o‘limiga is gazidan zaharlanish sabab bo‘lgan, gaz esa oila shaxsiy maqsadlarda ishlatish uchun sotib olgan 3D-printerdan sizib chiqqan.

Illinoys texnologik instituti tadqiqotchilari bunday printerlardan uy sharoitida foydalanishning xavfli tomonlari borligidan ogohlantirmoqda.

Ma’lum bo‘lishicha, 3D-printerlarning ba’zi modellari o‘zidan inson hayoti uchun xavfli hisoblangan is gazi va sinil kislotasi kabi zaharli moddalarni chiqarishi mumkin.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.